Bloga

-(e)an bidalia

Luberri_22.04.3 bertsio berria deskargatzeko prest dago

Azaroarekin batera Luberri bertsio berria kaleratu dugu.

Bertsio honek berritasun handirik ez du. Gehien bat eguneratze bertsioa da, alegia, kernelaren eta hainbat aplikazioren bertsio berriak ditu.

Bertsio berrien artean nabarmendu behar dugu Crow Translate eta PDF Arranger aplikazioen bertsio berriak euskaraz daudela. Bestetik Freeplane ideia mapak egiteko aplikazioan bertsio jauzi handia hartu duela, 1.7tik 1.11ra, eta itxura berritze handia hartu du eta erabiltzeko errazagoa da (nodo berriak Sartu eta Tab bidez). Horretaz gain Linuxen kernela eta aplikazio nagusi gehienek, hala nola Firefox, Thunderbird, LibreOffice… bertsio berriak dituzte Luberri honetan.

Aplikazio berririk ez dugu gehitu eta biri eman diegu baja: Glaxnimate eta Mediainfo-gui. Biek Kdenliveri lotuta zeuden baina integrazioa ez zuen ibiltzen. Kdenlive martxan jartzen duzun lehenengo aldian errore bat emango du, onartu eta segi, arazorik gabe.

Bertsio berria deskargatzeko egin klik hemen eta Live-ISOa edo instalatzeko laguntza behar baduzu Deskargak orrian laguntza topatuko duzu.

-(e)an bidalia

Nola pertsonalizatu zure Luberri eskolara egokituz

Gure Luberri pertsonalizatzea oso interesgarria izan daiteke instalazioak egitean ikasle (edo irakasleen) ordenagailu guztietan zenbait ezaugarri, programa edo baliabide mantendu nahi baditugu.

Horretarako lehenik eta behin Cubic softwarea instalatu beharko dugu (badaude beste aukera batzuk baina tutorial hauetan cubic erabiliko dugu).

Cubic instalatzea

Beraz lehen pausoa Cubic instalatzea izango da . Horretarako administrari saioan terminala ireki (Ctrl+Alt+T) eta honakoa idatzi behar duzue (Iturburu berri bat gehitzeko):

sudo apt-add-repository ppa:cubic-wizard/release
sudo apt-key adv --keyserver keyserver.ubuntu.com --recv-keys 6494C6D6997C215E

Onartu Enter tekla sakatuz eta instalatu cubic honako komandoarekin

sudo apt update && sudo apt install cubic

Behin Cubic instalatuta zenbait pertsonalizazio egin ditzakegu:

Inprimagailuak gehitzea

Gure eskolako inprimagailuak ordenagailu guztietan instalatzen egon beharrean inprimagailudun pertsonalizazioa sor dezakegu.

Horretarako Cubic-ek eskeintzen digun terminala baliatuz /etc/cups karpetara nabigatu eta beste ordenagailu batean (edo cubic dugun ordenagailuan) ditugun inprimagailuen konfigurazioak kargatuko ditugu

Aplikazioak instalatzea

Aplikazioak instalatzeko Terminaletik egin beharko dugu. Linuxen modu ezberdinak daude aplikazioak instalatzeko eta bideo honetan nahiko ohikoak diren bi jorratuko ditugu:

  • apt komandoaren bidez. Horretarako honako agindua exekutatu beharko dugu:
apt install programaren_izena

ISO irudia sortzea

Bukatzeko gure ISO propioa sortzen bukatuko dugu. Azken pausoetan ISOaren konpresioa, GRUBeko parametroak, hizkuntzak, etab. konfiguratuko ditugu eta lortzen dugun ISOa probatzeko aukera izango dugu.

-(e)an bidalia

Luberri 22.04.2 kalean da!

Luberriren bertsio berria kaleratu dugu. Hauek dira aldaketa aipagarrienak:

  • Programa guztiak 2023-05-22an eguneratu dira
  • Pantaila bikoizteko WIndows+p teklek ematen zuten arazoa konpondu da
  • Minder aplikazioa kendu dugu.
  • Domeinuan sartzeko aplikazioa berritu da prozesua erraztuz. Ikus bideoa:

Cubic tresnarekin sortua dago eta berriro ere ubiquity instalatzailea darabil.

Deskargatzeko joan Deskargatu atalera