Luberri_22.04.3 bertsio berria deskargatzeko prest dago

Azaroarekin batera Luberri bertsio berria kaleratu dugu.

Bertsio honek berritasun handirik ez du. Gehien bat eguneratze bertsioa da, alegia, kernelaren eta hainbat aplikazioren bertsio berriak ditu.

Bertsio berrien artean nabarmendu behar dugu Crow Translate eta PDF Arranger aplikazioen bertsio berriak euskaraz daudela. Bestetik Freeplane ideia mapak egiteko aplikazioan bertsio jauzi handia hartu duela, 1.7tik 1.11ra, eta itxura berritze handia hartu du eta erabiltzeko errazagoa da (nodo berriak Sartu eta Tab bidez). Horretaz gain Linuxen kernela eta aplikazio nagusi gehienek, hala nola Firefox, Thunderbird, LibreOffice… bertsio berriak dituzte Luberri honetan.

Aplikazio berririk ez dugu gehitu eta biri eman diegu baja: Glaxnimate eta Mediainfo-gui. Biek Kdenliveri lotuta zeuden baina integrazioa ez zuen ibiltzen. Kdenlive martxan jartzen duzun lehenengo aldian errore bat emango du, onartu eta segi, arazorik gabe.

Bertsio berria deskargatzeko egin klik hemen eta Live-ISOa edo instalatzeko laguntza behar baduzu Deskargak orrian laguntza topatuko duzu.

luberri_22.04.0.iso prest dago

Luberri Linuxen epe luzerako bertsio berria prest dago eta hemendik deskargatu daiteke.

Luberri Linux Mint-en oinarritzen da, eta berau Ubuntun. Luberri_22.04.0, hain zuzen, Linux Mint 21 Vanessan oinarritzen da, eta berau Ubuntu 22.04n. Ubuntu bi urtean behin epe luzeko bertsioa (LTS) ateratzen du, bost urteko arta duena (bera eta bere biltegietako aplikazioak berritzen dira). Hortaz, Luberri_22.04 bertsioak 2027 arte eguneratu ahal izango da.

Aurreko bertsioa den luberri_20.04.6rekin alderatuta hauek dira berritasunak:

  • Aurreko bertsioak bi instalazio sistema zituen: Systemback eta Ubiquity. Oraingo bertsioak Ubiquity bidez instalatzen da.
  • Papirus-Dark ikonoek Mint-Y-Dark-en ordez.
  • Kernela: 5.15 RAM erabilera: 800MB, Disko erabilera 16GB, ISO irudiaren tamaina 6,5GB.
  • Gehitu diren aplikazioak: Lumi, jarduera interaktiboak egiteko; Crow Translate, itzulpenak egiteko; Fsearch, fitxategiak eta karpetak azkar bilatzeko; Freetube, Youtubeko bideoak publizitaterik gabe erakusteko.
  • Kendu diren aplikazioak: OpenShot-Qt bideo-editorea. Gparted eta Grub-Customizer ere ez daude. Behar izanez gero administratzaile gisa instalatu.
  • Beste aldaketa aipagarriak: aplikazio gehienek bertsio berria dute. Esate baterako LibreOffice 7.3.4 bertsioa du, eta Sirf gaia. SweetHome3D orain ikasleei euskaraz irekitzen zaie. GoldenDict euskara, frantsesa, gaztelania eta ingelesezko Wikipedia eta Wiktionary darabiltza.

Bestetik, aurreko bertsioak bezala, Sistemaren konfigurazioan dagoen Sartu dominioan script-aren bidez ordenagailua Windows Server domeinuan sar daiteke eta EAEko ikastetxe publikoetako karpeta partekatuak mapeatzen ditu, bakoitzari berea.